الله يا وقت الطفوله والاحلام
يا اجمل مراحل بالحياة الغريبه
كنا صغار و كانت احلامنا اوهام
محدن يظن انه يفارق حبيبه
ما كان احد منا يحسب حساب الايام
نظراتنا كانت بسيطه قريبه
ما همنا حب المراكز والاعلام
ولا همنا فهم النوايا المريبه
أكبرهدفنا ما يبي شرح واقلام
أهدافنا صدق و براءة و طيبه
الين كبرنا وانكشف زيف الاعوام
و كل منا عرف حقيقه نصيبه
طلنا ولكن صارت احلامنا اقزام
الكل منا صار جرحه طبيبه
لكن عزانا انا على درب الاسلام
درب الشرف ما فيه شي يعيبه
و عزاك ياوقت الطفوله والاحلام
انك خذيت اللي عجزنا نجيبه
ليست هناك تعليقات:
إرسال تعليق